Kennsluverðlaun Orators 2019

Stjórn Orators ákvað að veita kennsluverðlaun í ár og er það í áttunda skiptið sem þau eru veitt. Kennsluverðlaunin í ár hlaut Ása Ólafsdóttir, prófessor.

Markmiðið með veitingu verðlaunanna er að heiðra þann kennara sem þykir hafa skarað fram úr í kennslu við lagadeild Háskóla Íslands en jafnframt að vera öðrum hvatning, bæði kennurum og nemendum, til að hafa áhrif á þróun og framfarir í kennslu deildarinnar. 

Stjórn Orators óskaði eftir tilnefningum frá nemendum og bárust all margar. Margir kennarar voru tilnefndir og þetta var ekki auðvelt val. Þess má geta að Ása fékk flestar tilnefningar allra sem tilnefndir voru en tilnefningarnar voru einnig mjög vandaðar.

Orator óskar Ásu innilega til hamingju með verðlaunin!

Article photo