Úlfljótur

Úlfljótur, tímarit laganema, hefur verið gefið út lengst allra tímarita við Háskóla Íslands. Fyrsta tölublað þess leit dagsins ljós í lok febrúarmánaðar árið 1947. Frá þeim tíma hefur tímaritið verið gefið út á hverju ári, að undanskildu árinu 1951, og orðið efnismeira með hverju árinu sem líður.

Um árabil hefur Úlfljótur rekið bóksölu í kjallara Lögbergs, rekstur bóksölunnar hófst árið 1987 og hefur haldið áfram óslitið síðan þá. Framkvæmdastjórar Úlfljóts fara með stjórn bóksölunnar, venju samkvæmt. Bóksalan býður nú upp á rúmlega 150 rit er varða lögfræði, en úrvalið hefur aukist jafnt og þétt undanfarin ár.

Meginmarkmið bóksölunnar er annars vegar lægra vöruverð en gengur og gerist hjá öðrum bóksölum og hins vegar traust þjónusta í þágu laganema. 

Bóksala Úlfljóts er staðsett í kjallara Lögbergs, Háskóla Íslands.

Framkvæmdastjórar Úlfljóts eru Jóhann Óli Eiðsson og Nína Hjördís Þorkelsdóttir.

Ritstjóri Úlfljóts er Jóhannes Tómasson og ritnefnd hans skipa: Erla Ylfa Óskarsdóttir, Kristinn Ingi Jónsson, Kristinn Svansson, Ólöf Embla Eyjólfsdóttir og Thelma Christel Kristjánsdóttir.


Fésbókarsíðu Úlfljóts er að finna hér.

ulfljotur@ulfljotur.is