Framtíð efnahagsbrotarannsókna er viðfangsefni hátíðarmálþings Orators, félags laganema við Háskóla Íslands, sem er haldið í samstarfi við innanríkisráðuneytið. Framsögumenn eru Ólafur Þór Hauksson sérstakur saksóknari, Jóhannes Karl Sveinsson hrl. hjá Landslögum og Kristín Edwald hrl. hjá Lex lögmannsstofu

Kæru Laganemar Lýðveldisins Íslands Undur og stórmerki á þessum síðustu og verstu tímum. Á föstudaginn síðastliðinn lauk 11 ára sigurgöngu Orators félags laganema við Háskóla Íslands gegn mágusi félagi viðskiptafræðinema við sömu stofnun. Orator vann fasta liði líkt og venjulega og sigraði á sannfærandi hátt skák og spurningakeppnina á fimmtudaginn. Þrátt fyrir vasklega framkomu fulltrúa okkar á ...íþróttamótinu á föstudaginn beið Orator ósigur í flestum íþróttagreinum að undanskildum körfubolta og reipitogi karla. Úrslit mótsins réðust svo okkur í óhag með drykkjukeppni um kvöldið. Ræðulið Orators sigraði síðustu Orrustu kvöldsins með yfirburðum og Sindri M Stephensen ritstjóri Úlfljóts var kjörinn ræðumaður kvöldsins en úrslit keppninnar höfðu þá þegar verið ráðin. Stjórn Orators vill þakka snúlluspöðunum í mágus fyrir drengilega keppni og öllum þeim sem tóku þátt í deginum. Það er ekki óþekkt að hundur finni bein öðru hvoru, en að ári liðnu mun Grágæsin rísa úr ösku sinni og endurheimta bikarinn til sinna réttu eiganda. Lengi lifi Orator